<================> BSNLEU - புதுவை மாவட்டச் சங்கம் உங்களை தோழமையுடன் வரவேற்கிறது <=================>

திங்கள், 1 ஜனவரி, 2018

காத்திருப்பு போராட்ட காட்சிகள்-1 தமிழகம் முழுவதும் ஒப்பந்த தொழிலாளர்களுக்கு ஊதியம் வழங்க வேண்டும் என வலியுறுத்தி 27.12.2017 அன்று நடைபெற்ற காத்திருப்பு போராட்டத்தின் காட்சிகள்-1 Wednesday, 27 December, 2017 காத்திருப்பு போராட்டம் 28.12.2017ம் தேதிக்கு தற்காலிகமாக ஒத்தி வைப்பு ஒப்பந்த தொழிலாளர்களுக்கு உடனடியாக ஊதியம் வழங்க வேண்டும் என்ற கோரிக்கையினை முன்வைத்து 22.12.2017 அன்று மாலை நேர தர்ணா அனைத்து மாவட்டங்களிலும் மிகச்சிறப்பாக நடைபெற்றது. ஆனாலும் அவர்களுக்கு ஊதியம் கிடைக்காத காரணத்தால் 27.12.2017 அன்று மாலை 4.00 மணி முதல் காத்திருக்கும் போராட்டம் நடத்த தமிழ் மாநில BSNL ஊழியர் சங்கமும், தமிழ்நாடு தொலை தொடர்பு ஒப்பந்த தொழிலாளர் சங்கமும் இணைந்து அறைகூவல் விடுத்தது.









BSNL-MTNL இணைப்பு மற்றும் இதர செய்திகள்



அனைவருக்கும் இனிய 2018 புத்தாண்டு வாழ்த்துக்கள். ஒன்று பட்ட போராட்டம்! ஒன்றே நமது துயரோட்டும்!! உருவானது ஊழியர்கள்-அதிகாரிகள் சங்கங்களின் ஒற்றுமை! ஒன்று பட்ட போராட்டங்களால் இந்த இனிய 2018ல் நமது ஊதிய மாற்றத்தை வென்றடைவோம்!! அனைவருக்கும் இனிய 2018 புத்தாண்டு வாழ்த்துக்கள்.


ஞாயிறு, 24 டிசம்பர், 2017

ஒப்பந்த ஊழியர்களின் ஊதியத்திற்காக 27.12.2017 அன்று காத்திருப்பு போராட்டம் BSNLEU மற்றும் TNTCWU கூட்டான அறைகூவல்

தமிழகம் முழுவதும் பெரும்பாலான மாவட்டங்களில் ஒப்பந்த ஊழியர்களுக்கு நவம்பர் மாத ஊதியம் இன்னமும் வழங்கப்படவில்லை. BSNLEU மற்றும் TNTCWU மாநில சங்கங்கள் இன்று (22.12.2017) மாநிலம் முழுவதும் மாவட்ட தலைநகர்களில் மாலை நேர தர்ணாவிற்கு அழைப்பு விடுத்திருந்தது. இன்று நன்பகல் இது தொடர்பாக CGM அலுவலகத்தின் பொது மேலாளர் பேச்சு வார்த்தைக்கு அழைப்பு விடுத்திருந்தார். இந்த பேச்சு வார்த்தையில் தமிழ் மாநில சங்கத்தின் சார்பில் மாநில தலைவரும், உதவி பொது செயலாளருமான தோழர் S.செல்லப்பா, மாநில செயலாளர் தோழர் A.பாபு ராதாகிருஷ்ணன், மாநில பொருளாளர் தோழர் K.சீனிவாசன், மாநில உதவி தலைவர் தோழர் K.V.சிவகுமரன் ஆகியோரும் நிர்வாகத்தின் சார்பில் பொதுமேலாளர் (HR) திரு மோகன், திரு ராஜாராமன் (DGMA) மற்றும் திருமதி கிருஷ்ணபிரியா (AGM(SR) ஆகியோர் கலந்துக் கொண்டனர். மாநில தலைமை பொது மேலாளர் உள்ளிட்ட உயர் அதிகாரிகள் அனைவரும் தேவையான நிதிக்கு கார்ப்பரேட் அலுவலகத்தில் பேசி உள்ளதாகவும், மாநில நிர்வாகம் இது தொடர்பான அனைத்து முயற்சிகளையும் மேற்கொண்டு வருவதாகவும் கூறிய பொது மேலாளர் போராட்டத்தை ஒத்தி வைக்க கேட்டுக்கொண்டார். ஆனால் ஊதியம் கிடைக்காமல் போராட்டம் ஒத்தி வைக்க இயலாது என்று நமது சங்கத்தின் சார்பில் உறுதியாக அவரிடம் தெரிவித்தோம். இன்றும் ஊதியம் வழங்கப்படவில்லை. எனவே இன்று கூடிய BSNL ஊழியர் சங்கத்தின் மாநில மையக் கூட்டம் போராட்டத்தை தீவிரப்படுத்த முடிவு செய்தது. TNTCWU மாநில தலைவர்களிடம் விவாதித்து அடுத்த கட்ட போராட்டத்தை முடிவு செய்துள்ளது. அதன் அடிப்படையில் 27.12.2017 அன்று மாலை 4 மணி முதல் அனைத்து மாவட்ட பொது மேலாளர் அலுவலகங்களிலும் ”காத்திருப்பு போராட்டம்” நடத்த இரு மாநில சங்கங்கள் சார்பாக முடிவு செய்யப்பட்டுள்ளது. மாநிலத்தில் அனைத்து ஒப்பந்த ஊழியருக்கும் ஊதியம் கிடைக்கும் வரை நாம் அலுவலகத்தில் காத்திருப்போம். எந்த பணிக்கும் - யாருக்கும் இடைஞ்சலாக இல்லாமல் இந்த போராட்டத்தை நடத்துவோம். அனைத்து மாவட்டங்களிலும் இந்த போராட்டத்தை வெற்றிகரமாக நடத்திட இரண்டு மாவட்ட சங்கங்களும் ஊழியர்களை தயார்படுத்த வேண்டும் என இரண்டு மாநில சங்கங்கள் சார்பாக கேட்டுக் கொள்கிறோம். குறைந்த கூலி கொடுத்து சுரண்டப்படும் ஒப்பந்த தொழிலாளர்களை பட்டினி போடும் கொடுமைக்கு முடிவு கட்ட வேண்டும். ஒன்று பட்டு போராடி ஒப்பந்த ஊழியர்களுக்கு உரிய தேதியில் ஊதியம் வழங்கப்படுவதை உறுதி செய்வோம். இந்த முடிவினை அனைத்து மாவட்ட சங்கங்களும் உறுதியாக அமல்படுத்திட வேண்டும் என இரண்டு மாநில சங்கங்களின் சார்பாக கேட்டுக் கொள்கிறோம்.