புதன், 18 அக்டோபர், 2017
PLI தொடர்பான பேச்சு வார்த்தை 2015-16ஆம் ஆண்டிற்கான PLI வழங்க வேண்டும் என்பதை வலியுறுத்தி BSNL ஊழியர் சங்கம் 13.10.2016 அன்று நாடு முழுவதும் பெருந்திரள் ஆர்ப்பாட்டம் நடத்தியது. இந்த சூழலில் BSNLEU மற்றும் NFTE ஆகிய இரண்டு சங்கங்களையும் 16.10.2017 அன்று DIRECTOR (HR) அழைத்து PLI தொடர்பாக விவாதித்தார். நமது சங்கத்தின் சார்பாக தோழர் சுவபன் சக்கரவர்த்தி Dy GS மற்றும் தோழர் R.S. சவுகான் VP ஆகியோர் பங்கேற்றனர். நீண்ட விவாதத்திற்கு பின் PLI கமிட்டியின் கூட்டத்தை விரைவில் கூட்டி 2015-16 ஆம் ஆண்டிற்கு நிலுவையில் உள்ள PLI மற்றும் PLI வழங்குவதற்கான நிரந்தரமான ஒரு பர்முலா ஆகியவற்றை இறுதி செய்யுமாறு GM(SR) அவர்களுக்கு DIRECTOR(HR) உத்தரவிட்டுள்ளார்.
PLIஆக ரூ.7,000/- உடனடியாக வழங்க வலியுறுத்தி BSNL ஊழியர் சங்கம் 13.10.2017 அன்று நடத்திய ஆர்ப்பாட்டத்தின் தமிழக காட்சிகள் PLI வழங்க வேண்டும் என BSNL ஊழியர் சங்கம் விடுத்த அறைகூவலை ஏற்று நாடு முழுவதும் 13.10.2017 அன்று ஆர்ப்பாட்டம் நடைபெற்றது. கார்ப்பரேட் அலுவலகம் 13.10.2017 அன்று காலை 08.30 மணிக்கு நமது பொது செயலாளரை தொலைபேசியில் அழைத்து மதியம் 12.30 மணிக்கு இது தொடர்பாக விவாதிக்க அழைத்தார். நமது பொது செயலாளர் கொல்கொத்தா தொலைபேசியின் மாநில மாநாட்டில் இருந்தார். துணை பொது செயலாளரும் டெல்லியில் இல்லை. எனவே, 16.10.2017 அன்று காலை அந்த விவாதத்தை வைத்துக்கொள்ளலாம் என நமது பொது செயலாளர் பதிலளித்துள்ளதுடன், கடைசி நேரத்தில் அழைப்பதை தவிர்த்து போதிய அவகாசம் கொடுத்து சங்கங்களை பேச்சு வார்த்தைக்கு அழைக்க வேண்டும் என்றும் தெரிவித்துள்ளார்.
 |
| தலைப்பைச் சேருங்கள் |
புதன், 11 அக்டோபர், 2017
இதற்கு குழுசேர்:
இடுகைகள் (Atom)